Tolosaldeko Hitza

2008-06-18 | 11:34:16

Lapurreta egin dute berriro herrian

Oraingoan, herriko jatetxean izan da

Bart, goizaldeko lauretan ohartu dira bizilagunak, norbait Herriko Jatetxean sartu dela. Adierazitakoaren arabera, eraikinaren atzealdetik sartu dira, atea apurtuta. Almazenera sartu eta handik zenbait jaki eta edari eraman dituzte.

Ez du erantzunik

2008-06-11 | 11:33:51

Lapurreta egin dute bart gauean eskolan

Dirudienez bainugelako leihotik sartu ziren lapurrak

Bart gauean lapurreta egin dute Albizturko Udal Eskolan. Bainugelako leihoa hautsi eta hortik sartu ziren lapurrak. Bi ordenagailu eramangarri, argazki-kamera, proiektorea eta dirua eraman dituzte, besteak beste. Honez gain, Guraso Elkartearen bankuko txartela lapurtu dute eta 06:00ak aldera, 1.000 euro atera dituzte kontu korrontetik. Bestalde, sarrerako atean ere indarkeria aztarnak zeuden.

Ez du erantzunik

2007-12-04 | 12:04:38

Ramon Lasa Albizturko alkatea hil da gaixotasun baten ondorioz

Albizturko Herria plataformakoa zen; 37 urte zituen; duela 16 urte ere zinegotzi izan zen zortzi urtetan eta baita alkateorde ere. Maiatzeko hauteskundeetan aukeratu zuten alkate

Ez du erantzunik

2007-11-28 | 12:11:26

Ainara Ugartemendiak Enpresaritzako espedienterik onena jaso du

Atzo eman zion Kutxak merezitako saria Albizturko gazteari, 8'97ko bataz besteko nota eskuratu baitu EHUn

Ez du erantzunik

2007-07-19 | 19:52:56

Gizonezko bat Repsol-eko langilea dela esanez iruzurra egiten ari dela salatu du Udalak

Gaur egunean zehar gizonezko gazte bat Albizturko kale nagusiko etxeetan Repsol enpresakoa dela esanez, iruzur egiten aritu dela salatu du Udalak. Etxeko jabeei berrazterketa bat egin behar dela esanez 90 euro kobratu du, gutxienez hiru etxetan.

Ez du erantzunik

2004-09-07 | 12:19:55

Errepidetik irten eta errekara erori da auto bat Tolosatik Albizturrera bidean

GI-2634 errepidean izan da istripua; Legorretako emakume zauritu da

Tolosatik Albizturrerako bideko bigarren kilometroan, GI-2634 errepidean, istripua gertatu da. Autoa errepidetik irten eta errekara erori da; R.M.N.E izeneko Legorretako emakume bat zauritu da istripuan. Suhiltzaileak istripua gertatu den lekura gerturatu dira emakumea eta autoa uretatik ateratzera. Emakumeak zauri arinak ditu eta Tolosako Asuntzion erietxera eraman dute.

Ez du erantzunik

2004-05-26 | 16:24:45

Antzerki topaketak

Errezil, Aizarna, Bidegoian eta Albizturko ikasleek prestatutako antzerki emanaldiak aurkeztu dituzte

Errezil, Aizarna, Bidegoian eta Albizturko ikasleak Albizturren bildu dira gaur antzerki emanaldiak aurkezteko. Eskola bakoitzak saio bana aurkeztu du; goizean, Albiztur eta Bidegoiango eskoletako gaztetxoak aritu dira antzezle lanetan, arratsaldean, berriz, Errezil eta Aizarnakoak. Urtero egiten dituzte antzerki topaketak baina urtero herri desberdinetan biltzen dira; aurten Albiztur izan dute biltzeko gunea.

Ez du erantzunik

2004-05-26 | 12:09:23

Pilota kontuak

Pilotaren gorabeherak izan zituzten hizpide atzo Barriolak, Goñik eta Lazkanok

Kultur Astearen barruan, pilotaren inguruko hitzaldia egin zuten atzo Arkaitz elkartean. Aurkezle eta moderatzaile lanetan, Millan Telleria aritu zen; alboan, Abel Barriola eta Mikel Goñi pilotariak eta Anizeto Lazkano entrenatzailea zituen. Hitzaldian, entrenamenduak, txapelketak... izan zituzten mintzagai.

Ez du erantzunik